Deputeti i Vetëvendosjes, Enver Dugolli në një konferencë para gazetarëve ka thënë sot se Policia e Kosovës është e knaqur pasi ka mbështetje edhe nga pushteti.
“Policia e Kosovës nuk është pengu si në të kaluarën kur i kanë ndal aksionet me urdhër politik. E kemi aksionin e ndalur përgjysmë kur është vra Enver Zymberi. Kjo është mbështetja më e madhe që ata e konsiderojnë që ne nuk i ndalim prandaj po shënojnë suksese”, deklaroi Dugolli, raporton Insajderi.
Sipas tij, Policia e Kosovës nuk ka ngecë aq keq.
“Nuk është që Policia e Kosovës ka ngec aq keq, sigurimet shëndetësore janë të rëndësishme dhe do t’i bëjmë. Policët që ndrrojnë jetë në detyre gjithmonë janë trajtu nga institucionet”, shtoi deputeti i VV-së. /Insajderi.org