Seanca e sotme në Gjykatën Speciale kaloi për pak minuta në private gjatë dëshmisë së Gjergj Dedajt. Ai tha se kishte dashur që seanca të ishte e mbyllur.
Dedaj po pyetej për deklaratat e mëhershme se ishte rrahur bashkë me përfaqësues të tjerë të LDK-së që sipas Prokurorisë u ndaluan e u keqtrajtuan në Qirez të Skënderajt në shtator të vitit 1998.
Dedaj tha se disa deklarata i kanë bërë gjatë fushatave elektorale për zgjedhje.
Ai foli për një përplasje, ndërsa tha se ishte ngritur për t’i qetësuar palët.
“Jeni kah bisedoni me një njeri tepër të veçantë dhe tepër të jashtëzakonshëm”
Ish-ambasadori ka mohuar gjithçka nga dëshmitë e tij të mëhershme kundër ish-krerëve të UÇK-së.