Deputeti i AAK-së, Shemsedin Dreshaj, ka reaguar pasi që, nuk u mbajt mbledhja e Komisionit të Shëndetësisë, ku pritej të raportonte ministri Vitia, shkruan Insajderi.
Ai tha se edhe pse ishin dakoruduar në mbledhjen e kaluar që sot në orën 10:00 të mbahej kjo mbledhja, një gjë e tillë, nuk ndodhi.
“Në mbledhjen e fundit të Komisionit për Shëndetësi, u dakorduam që sot me datë 19 prill, duke filluar nga ora 10:00, të mbahet mbledhja e radhës e Komisionit, ku i ftuar për raportim do të ishte Ministri i Shëndetësisë, z. Arben Vitia, një gjë e tillë nuk ndodhi”, u shpreh Dreshaj.
Dreshaj, njëherësh edhe anëtar i Komisionit për Shëndetësi, përmes një shkrimi në Facebook, ka bërë thirrje edhe njëherë që kryetarja e këtij komisioni Fatmire Kollqaku-Mullhaxha, ta thërret sa më shpejtë një të shkojë ministri Vitia për raportim.
“E ftoj kryetaren e Komisionit që me urgjencë ministri Vitia të vjen e të raportojë për paqartësitë e mëdha rreth sigurimit të vaksinave, kjo është nevojë urgjente. Kuvendi duhet ta dijë të vërtetën!”, ka shkruar Dreshaj.