Xhudistja nga Peja, Distria Krasniqi fitoi “Medaljen e Artë” në Lojërat Olimpike të verës në Tokio, shkruan Insporti.com.

Krasniqi shkroi historinë duke u bërë sportistja e dytë në histori të Kosovës që fiton medalje të artë, pas Majlinda Kelmendit e cila e kishte fituar në Lojërat Olimpike të Brazilit në vitin 2016.

Krasniqi momentin e saj më të mirë të karrierës e ka përjetësuar, duke e bërë tatuazh në këmbën e saj.

Ajo ka bërë tatuazh simbolin e Lojërave Olimpike në studion “Prishtina Ink Tatto” nga artisti Aluadin Murturi. /Insporti.com/