×
  • Lajme
  • Lajme / Kosovë

    Dje dorëzoi postin e deputetes, Memli Kransiqi i thotë disa fjalë për Vasfije Krasniqin

    Insajderi
    22 September 2022 - 14:48

    Kryetari i Partisë Demokratike të Kosovës, Memli Krasniqi sot në Kuvendin e Kosovës ka ndarë pak kohë për ta falënderuar Vasfije Krasniqin, i cila dje bëri me dije se ka dhënë dorëheqje nga posti i deputetes për shkak problemeve shëndetësore, shkruan Insajderi.

    Krasniqi duke i uruar shëndet e sukses në jetë u shpreh se ka qenë nder që në mesin e deputetëve në Kuvend me qenë e pranishme një grua e fuqishme si ajo.

    “Dëshirojë që ta shprehë konsideratën më të lartë për deputeten e deritanishme të Kuvendit të Kosovës, Vasfije Krasniqin e cila dje dha dorëheqje nga pozita si e zgjedhur e popullit dhe edhe në emrin tim personal dëshirojë që t’i urojë shëndet, suksese në çdo aspekt të jetës dhe vërtetë ka qenë nder për Kuvendin e Kosovës me pas kolege një grua të fuqishme si ajo”, ka thënë Krasniqi përcjell Insajderi.

    Deputetja e Lëvizjes Vetëvendosje, Vasfije Krasniqi, njoftoi se për shkak të një një trajtimi mjekësor, ka dhënë dorëheqje nga posti i deputetes.

    Ajo shkroi në Facebook se angazhimin publik për Kosovën do ta vazhdojë në SHBA.

    “Sidoqoftë ashtu si edhe deri më sot, unë do të vazhdoj angazhimin publik për Kosovën në SHBA, sidomos në Kongresin Amerikan. Si rezultat i këtij angazhimi besoj që së shpejt do të shihen të arriturat e para. Kam besimin e plotë që së bashku me miq, njerëz të vullnetit të mirë, punëtorë e vizionarë, kauza e fitores së drejtësisë në Kosovë do të triumfojë”, shkroi ajo.

    Krasniqi ka treguar se e ka njoftuar kreun e Kuvendit dhe kryesinë për dorëheqjen.

    “Kështu edhe përkundër dëshirës sime që unë të vazhdoj me përfaqësimin e juaj në Kuvend, më duhet të ju njoftoj se unë kam vendosur të japë dorëheqje nga pozita e deputetes. Rrjedhimisht për këtë dorëheqje sapo kam njoftuar edhe Kryetarin e Kuvendit z. Glauk Konnjufca, si dhe kryesinë e Kuvendit.”, ka theksuar në njoftim.

    Postimi i saj i plotë:

    Të nderuar qytetarë të Republikës së Kosovës,

    Duke qenë se jam në një trajtim mjekësor, dhe si rezultat në këtë fazë të trajtimit më duhet që për çdo muaj të kem vizita të rregullta, dhe përderisa i njëjti mund të zgjas, mua më vështirësohet, përkatësisht pamundësohet tani dhe ndoshta edhe në të ardhmen realizimi i obligimeve të mija si deputete. Kështu edhe përkundër dëshirës sime që unë të vazhdoj me përfaqësimin e juaj në Kuvend, më duhet të ju njoftoj se unë kam vendosur të japë dorëheqje nga pozita e deputetes. Rrjedhimisht për këtë dorëheqje sapo kam njoftuar edhe Kryetarin e Kuvendit z. Glauk Konnjufca, si dhe kryesinë e Kuvendit.

    Sidoqoftë ashtu si edhe deri më sot, unë do të vazhdoj angazhimin publik për Kosovën në SHBA, sidomos në Kongresin Amerikan. Si rezultat i këtij angazhimi besoj që së shpejt do të shihen të arriturat e para. Kam besimin e plotë që së bashku me miq, njerëz të vullnetit të mirë, punëtorë e vizionarë, kauza e fitores së drejtësisë në Kosovë do të triumfojë.

    Gjithsesi më lejoni të falënderoj Lëvizjen Vetëvendosje për besimin, hapësirën, mbështetjen dhe qasjen ndaj meje, falenderim i veçant për Kryeministrin e Rebublikës së Kosovës z: Albin Kurti i cili vërtet ka treguar se është i gatshëm dhe i vendosur që çështjen e krimeve të luftës ta trajtoi seriozisht, nuk duhet harruar as, të gjithë përfaqësuesit e zgjedhur në Kuvendin e Republikës së Kosovës të cilët vërtet treguan se përtej dallimeve politike dhe politikave ditore mund të mbizotërojë njerëzorja tek secili prej nesh.

    E në fund falënderimi më i madh u shkon qytetarëve të Republikës së Kosovës të cilët duke më dhënë besimin, më dhanë edhe mundësinë dhe nderin t’i përfaqësoj në Kuvendin e Republikës së Kosovës.

    Me respekt të thellë,

    e juaja Vasfije Krasniqi!

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark