Vazhdon ende drama e tenistit serb, Novak Djokovic, në shtetin australian. Ai ende nuk e di nëse do të luajë në “Australian Open”, transmeton Insporti.com.

Ndonëse emri i tij ishte ndër emrat e tenistëve në shortin e hedhur, kjo mund edhe të mos ndodhë.

Tenisti serb i mësoi kundërshtarët e tij, por jo edhe fatin e tij përfundimtar, pasi ende nuk dihet nëse do të dëbohet nga Australia.

Për këtë ka folur edhe ish-zëvendës sekretari i departamentit të migracionit, Abul Rizvi për “BBC”.

“Me informacionet e reja në lidhje me rastin e tij, ministri duket se do ta anulojë vizën e Djokovic ”, ka thënë Rivzi.

Ai shpjegoi se ekziston mundësia që Djokovic të arrestohet edhe gjatë garës.

“Djokovic mund të përfundojë në paraburgim në rast se ministri ia anulon vizën”, tregoi ai.