Lumi Vjosa në muajin maj është në nivelin e katërtë të vështirësisë dhe kërkon guida të certifikuara.

Kjo video është e datës së sotme 20 maj 2023, ku disa persona të papërgjegjshëm, të patrainuar dhe certifikuar nga Federata Shqiptare e Rafting futën një grup me studentë pa veshjet e duhura.

Presidenti e Federatës, Zamo Spathara (i cili ndodhej aty ) reagoi dhe u bëri thirrje te mos vazhdonin dhe te ndërprisnin organizimin sepse do te rrezikonin e jetën e turistëve.

Nuk është hera e parë që Federata Shqiptare e Rafting reagon dhe tërheq vëmendjen për rrezikun që sjellin për jetën e turistëve guida të papërgjegjshme, te pa trainuar dhe certifikuar nga Federata perkatese.

“I bëjmë thirje autoriteteve dhe institucioneve të marin masa urgjente për ndalimin urgjent të këtyre grupeve të rrezikshme.

U bëjmë thirrje të gjithë turistëve vendas dhe të huaj si edhe agjensive dhe tour-operatorëve të drejtohen te Federata Shqiptare e Rafting për t’u shoqëruar gjatë aktiviteteve të Rafting nga guida të trainuara pranë saj” – thuhet në një deklaratë të Federatës.