Novak Djokovic është liruar dhe tashmë ka zhvilluar stërvitjen e parë para se të nisë turneu i famshëm “Australia Open”. Ka qenë vetë Djokovic, që e ka bërë të ditur një gjë tillë pasi e ka publikuar një fotografi në rrjetin social të tij “Twitter”, shkruan Insporti.com.

Çështja e tenistit të njohur serb Djokovic bëri bujë në mbarë botën teksa sportisti nuk u vaksinua dhe iu ndalua hyrja për në Australi për të marrë pjesë në garën e njohur të tenisit “Australian Open”.

Tenisti serb në mëngjesin e sotëm fitoi rastin kundër shtetit australian, pasi fitoi gjyqin duke ia anuluar vendimin autoriteteve australiane për mos lejimin e tij në vend.

“Jam i lumtur dhe mirënjohës që gjykatësi refuzoi anulimin e vizës. Pavarësisht gjithë asaj që ka ndodhur, unë dua të qëndroj dhe të përpiqem të konkurroj ‘Australian Open’ Unë mbetem i fokusuar për këtë. Fluturova këtu për të luajtur në një nga ngjarjet më të rëndësishme që kemi përpara tifozëve të mrekullueshëm”, ka shkruar ai.