Deputetja e PDK-së, Eliza Hoxha i ka dalë në përkrahje ish-miss Kosovës, Drenusha Latifi, e cila ka rrëfyer se ka qenë viktimë e dhunës fizike nga bashkëshorti i saj.

Hoxha përmes një postimi në rrjetin e saj social Facebook, i është drejtuar me fjalë motivuese Drenusha Latifit, duke dhënë mesazhin se “dhunës duhet t’i thotë secila jo”.

“Drenushë mos u turpno për asgjë. Dhunës duhet jo me i thanë secila nga ne. E di që është vështirë me dal në publik e me i fol këto gjana, por ama duke mos fol kemi arritur në këtë pikë. Paq uratën dhe ditë të reja plot dritë bashkë me fëmijët”, ka shkruar Eliza Hoxha.