Nënkryetarja e Leposaviqit, Dragana Miletiq, është shkarkuar nga detyra pasi është parë duke konsumuar lëndë narkotike brenda objektit të komunës, me të cilën po ‘udhëheq’, Lulëzim Hetemi.
“Shkarkimi nga detyra e nënkryetares sipas nenit 1 të këtij vendimi, bëhet për shkak të shkeljeve të rënda të punës dhe mosrespektimit të pozitës së saj si nënkryetare dhe mos përmbushjes së detyrave të punës”, thuhet në vendim e nënshkruar nga kryetari Hetemi.
Shkarkimi i saj erdhi, pas publikimit në media të pamjeve ku ajo shihet duhet konsumuar substanca narkotike.
Për rastin ka reaguar Prokuroria Themelore e cila ka autorizuar Policinë e Kosovës që të ndërmarrë të gjitha veprimet hetimore lidhur me hetimin e rastit të nënkryetares së Leposaviqit, Dragana Miletiq, që dyshohet se ka konsumuar drogë.
Për rastin Insajderi ka kontaktuar kryeprokurorin e Mitrovicës, Ismet Ujkani, i cili konfirmoi se janë duke u marrë me rastin.
Po po jemi duke u marrë me rastin dhe pas pak do të ju njoftojmë më detajisht”, tha shkurt ai për Insajderin.
Ndërkaq, zv/komandanti i Policisë për veriun, Veton Elshani, tha se janë në dijeni për përmbajtjen e videos.
Sipas Elshanit, ata e kanë njoftuar Drejtorinë e Policisë në Prishtinë.