×
  • Lajme
  • Botë
  • Lajme / Botë

    Dy avionë pasagjerësh në Japoni përplasen në pistë

    Insajderi
    16 January 2024 - 14:39
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Dy avionë pasagjerësh janë përplasur në një aeroport në Japoni, në atë që është incidenti i dytë ajror, pas atij të ndodhur në aeroportin Haneda të Tokios më 2 janar, ku pesë persona humbën jetën.

    Pasi avioni i Japan Airlines me 367 pasagjerë dhe 12 anëtarë ekuipazhi u shkrumbua si pasojë e përplasjes me një avion të rojës bregdetare, këtë herë avionët e Korean Air dhe Cathay Pacific ranë në kontakt në aeroportin New Chitose të Hokkaidos.

    Incidenti ndodhi në orën 17:30 me kohën lokale. Avioni i Cathay Pacific pa pasagjerë në bord ishte parkuar në pistë kur u godit nga avioni në lëvizje i Korean Air, sipas transmetuesit japonez NHK.

    Sipas zyrtarëve të aeroportit, avioni i Korean Air ishte duke u përgatitur për nisje kur krahu i tij i majtë u përplas me krahun e djathtë dhe bishtin e avionit të Cathay Pacific të parkuar pranë tij. Fotot e realizuara nga dëshmitarët tregojnë një të çarë në krahun e avionit të Cathay Pacific.

    Në bordin e fluturimit të Korean Air ishin 289 pasagjerë. “Nuk ka pasur të lënduar dhe linja ajrore po bashkëpunon me të gjitha autoritetet përkatëse”, tha zëdhënësja e kompanisë së fluturimit.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark