“Dy ministra të Kurtit kanë hup vakt me heke një billbord, ndërkohë s’kemi ilaçe e paga”
Anëtari i Partisë Socialdemokrate, Nol Nushi ka reaguar pas lajmit se ministrat e Qeverisë Kurti, Xhelal Sveçla dhe Elbert Kransiqin ishin përkujdesur për heqjen e fotografive të Putin e Vuçiqit…
Klikoni Këtu për t'u bërë pjesë e kanalit zyrtar të Gazetës Insajderi në Viber.
Anëtari i Partisë Socialdemokrate, Nol Nushi ka reaguar pas lajmit se ministrat e Qeverisë Kurti, Xhelal Sveçla dhe Elbert Kransiqin ishin përkujdesur për heqjen e fotografive të Putin e Vuçiqit nëpër Veri të vendit, shkruan Insajderi.
Nushi ka ironizuar me veprimin e ministrave të Kurtit, sipas tij “kanë hupë vakt”, ndërkohë përmendi mungesën e ilaçeve, librave e pagave.
“2 ministra, me eskortat e tyre, kane hupe vakt me shku me heke nje billboard skaj rruges. Edhe kane thirre kamera Skemi ilaqe, libra e paga. Por ne sherohemi, edukohemi dhe jetojme me propagande”, shkroi ai në Facebook.
Ministri i Punëve të Brendshme, Xhelal Sveçla, ka njoftuar se këtë të enjte në Zveçan janë larguar billbordet ilegale me simbole dhe imazhe të diktatorëve e agresorëve serbë.
Teksa ka njoftuar për rastin, Sveçla ka thënë se simboli i vetëm i Serbisë brenda shtetit të Kosovës do të jetë ambasada e saj në Prishtinë. “Sot në Zveçan janë larguar billbordet ilegale me simbole dhe imazhe të diktatorëve e agresorëve të cilat janë të papranueshme në Republikën e Kosovës”, ka shkruar ministri në Facebook. Ai tutje theksoi se si institucione mbesin të përkushtuar për rend e ligj dhe zbatim të kushtetushmërisë në çdo pjesë të vendit tonë”, u shpreh ai.
“Këto billborde e imazhe të fashistëve e agresorëve si Vladimir Putin dhe kundërshtarëve të shtetit tonë, nuk do të gjejnë vend në shtetin tonë”, ka shtuar Sveçla.
