Është kërkuar t’i caktohet masa e paraburgimit të dyshuarit për dhunimin e një 16 vjeçareje në Kaçanik.
Kjo kërkesë ka ardhur nga Prokuroria Themelore në Ferizaj ku sipas njoftimit thuhet se ai dyshohet se ka kryer marrëdhënie seksuale dhe e ka mbyllur në banesë një të mitur, që e ka raportuar rastin në Polici, shkruan Insajderi.
Inicialet e të dyshuarit janë E.K.
“Po ashtu, ndaj të njëjtit, sipas Prokurorisë, ekziston dyshimi i bazuar se me datë 09.01.2024, në Kaçanik, përkatësisht në një banesë që më parë ishte shfrytëzuar si zyre, i pandehuri si person madhor, në mënyrë të kundërligjshme e ka privuar nga liria viktimën e ndjeshme –të dëmtuarën e mitur, pasi që kishte dal nga banesa e kishte mbyllur nga jashtë të dëmtuarën me të cilën do të kryente veprën penale ‘Privimi i kundërligjshëm i lirisë’ nga neni 193 paragrafi 2 nënparagrafi 2.1 lidhur me paragrafin 1 të KPRK-së”, thuhet në njoftimin e Prokurorisë.
I pandehuri gjendet nën masën e ndalimit prej 48 orëve.