Theophilus Solomon, futbollisti i Gjilanit është arrestuar sot në dyshimet se ka rrahur një grua. Ai kishte një fletarrest ndërkombëtar.
Lajmin për Gazetën Insajderi e ka konfirmuar Policia e Gjilanit.
“Drejtoria e Prishtinës e ka arrestuar, ne si Polici e Gjilanit vetëm i kemi asistuar”, ka thënë Ismet Hashani, zëdhënësi i Policisë në Gjilan.
Solomon, 27 vjeç, dyshohet se e kishte rrahur një grua gjatë kohës sa luante në Shqipëri për Partizanin e Tiranës.
Sulmuesi nigerian dyshohet se e kishte goditur me shuplaka një grua gjatë vitit 2020 në Tiranë.
Ai iu bashkua Gjilanit nga kampioni i Kosovës Ballkani verën e kaluar, dhe ka kontribuuar me 6 gola në 18 paraqitje për klubin kuqebardh, me të cilin ka kontratë deri në vitin 2024.