Tirana do të përballet kundër Dudelange në turin e parë të Champions League.

Fillimisht bardheblutë do të udhëtojnë në transfertë dhe do të luajnë të mërkurën, ndërsa më pas do ta presin në shtëpi rivalin nga Luksemburgu. Këta të fundit kanë siguruar të gjitha informacionet e mundshme për Tiranën.

Këtë e ka theksuar edhe koordinatori sportiv i Dudelanges, Manou Goergen.

“Me teknologjitë e reja, tani është shumë më e lehtë për të analizuar një kundërshtar. Stafi ynë i kishte të gjitha mundësitë për të bërë një analizë të mirë. Tirana ndodhej dy javë në kampin stërvitor dhe ne i kemi marrë shumë seriozisht”, tha Goergen.