Me 29 dhjetor një ngjarje e rëndë ka ndodhur në qytetin e Gjakovës. Ish-dhëndri e gjuajti me kallashnikov vëllain e ish-gruas. Fatmirësisht, Jetmir Ukëhaxhaj ka arritur t’i shpëtojë plagëve të marra, por kryesi i veprës penale Kushtrim Beqa ende ndodhet në arrati.

Afro 2 javë pas rastit për Insajderin detaje ka dhënë avokati i familjes Ukëhaxhaj, Blend Gjini teksa shtoi se Policia ende po vazhdon të kërkojë të dyshuarin për veprën penale “tentim vrasje”.

 “Personi që e ka palosura ish-dhëndrin po vazhdon të jetë në arrati. Viktima, ka shku me marrë motrën e vet në sallonin e bukurisë, aty ka ardhë Kushtrim Beqa dhe e ka plagos. Vepra penale është e kualifikuar si tentim vrasje dhe i njëjti po vazhdon të jetë në arrati”, tha ai për Insajderin.

Gjini tha se dyshimet e familjes janë se Beqa është arratisur drejt Shqipërisë.

“Dyshimet e familjarëve se personi i dyshuar është arratisur për në Shqipëri dhe nga ky moment ata po ndihen edhe më të shqetësuar”, u shpreh avokati për Insajderin.

Si kishte ndodhur rasti?

Rasti kishte ndodhur në rrugën “Yll Morina” tek një salloni i bukurie në komunën e Gjakovës. Kushtrim Beqa kishte shtënë me kallashnikov ku për pasojë e kishte plagosur vëllain e ish-gruas, Jetmir Ukëhaxhaj.

Ai ishte plagosur në këmbën e majtë dhe ishte rrezikut për jetë.

Avokati Gjini i tha Insajderi se Ukëhaxhaj pritet t’i nënshtrohet një operacioni.