Zyrtarët e lartë të shëndetësisë në Kinë, paralajmërojnë se Kina është duke përjetuar valën e parë të virusit korona nga tri sa priten të jenë këtë dimër.

Sipas epidemiologut, Wu Zunyou, rritja e rasteve do të zgjasë deri në mes të janarit, ku edhe do të përfundojë vala e parë.

Më pas vala e dytë do të fillojë në janar si rezultat i udhëtimeve të shumta për festën e vitit të ri.

Dhe vala e tretë parashihet të jetë nga fundi i shkurtit deri në fillim të marsit, pas kthimit të njerëzve në punë nga pushimet, shkruan BBC, përcjell Insajderi.

Aktualisht po shënohet numër rekord i rasteve aktive me virus, me 2 mijë që u raportuan të dielën.