Fahri Fazliu, nipi i dëshmorëve Bahri e Fahri Fazliu, është liruar pas arrestimit nga EULEX’i me urdhër të Prokurorisë Speciale.

Mëngjesin e sotëm me urdhër të Prokurorisë Speciale, Fahri Fazliut i është konfiskuar telefoni.

Përmes një postimi në Facebook, Fazliu, ka rrëfyer si ndodhi ngjarja.

Ai tha se sot rreth orës 8 të mëngjesit, derisa po dërgonte djalin e tij në kopsht, disa persona i thane se janë nga Prokuroria Speciale dhe se me urdhër të Gjykatës Speciale të Hagës, do ia konfiskojnë telefonin personal.

Fazliu tutje tregoi se pas kësaj, u dërgua në zyret e Eulex-it në Fushë Kosovë.