Zëvendës ndihmës-sekretari amerikan për Ballkanin Perëndimor, Gabriel Escobar ka shprehur mbështetjen e vazhdueshme amerikane ndaj Kosovës.
“Kosova është një aleat shumë, shumë i mirë, një mik i ngushtë i SHBA-ve. Miqësia mes Kosovës dhe SHBA-së nuk bazohet vetëm në interesin e përbashkët por edhe në vlera të përbashkëta”, ka deklaruar Escobar pas takimit me presidenten, Vjosa Osmani, përcjell Insajderi.
Po ashtu, ai është shprehur krenar me Kosovën dhe punën e saj në agjendën e përbashkët amerikane.
“Erdha të shpreh mbështetjen e vazhdueshme amerikane për aspiratat euroatlantike të Kosovës dhe për solidaritetin në kohë krize në Kosovë dhe mënyrat për ta thelluar këtë partneritet, përfshirë edhe mbështetjen tonë për pjesëmarrjen e Kosovës në dialogun e lehtësuar nga BE-ja. Jam shumë krenar që Kosova ka punuar shumë për agjendën tonë të përbashkët, ngjarjet e kësaj jave tregojnë se Kosova po punon në mënyrë pozitive për agjendën e përbashkët të demokracisë”, përfundoi zv.ndihmës-sekretari amerikan. /Insajderi
Lexo edhe: