Anëtarët e Lidhjes Demokratike të Kosovës kanë refuzuar kandidaturën e Faton Bislimit  për kryetar të partisë në Kuvendin e dhjetë Zgjedhor të LDK’së.

Me 361 vota, atij iu mohua e drejta për të kandiduar.

Nga Kuvendin Zgjedhor i LDK-së thanë se statuti s’e lejon atë të kandidojë në atë mënyrë, pa qenë delegat.

Pas kësaj, Bislimi ka reaguar për media duke e quajtur përjashtimin e tij si anti- statutor.

“Programi im për LDK-në që është dashur t’i paraqitet delegatëve të Kuvendit do të ishte mënyra më e mirë për të treguar LDK-ja që demokracia e brendshme është virtyt, aset dhe është themel mbi të cilin ndërtohet një parti politike”, tha ai.

“Nuk ka rugovizëm më të madh se urtësia e përbashkimit, sesa ofrimi i mundësive dhe ikluziviteti e jo përjashtimi, e jo kuvende që konfirmojnë dhe nuk zgjedhin. Zgjedhja vetëvetiu nënkupton ballafaqim. Ballafaqim, kundërshtitë dhe ato të përbashkëtat janë sharmi më i mirë i demokracisë”, tha Bislimi.