×
  • Sport
  • Sport

    FIFA e zbulon renditjen përfundimtare të Kombëtareve për vitin 2023, këto janë pozitat e Kosovës dhe Shqipërisë

    Insajderi
    21 December 2023 - 12:26
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    FIFA e ka publikuar sot renditjen përfundimtare të vitit 2023 për Kombëtare.

    Pozitat e Kosovës dhe të Shqipërisë nuk ndryshuan nga ranglista e muajit të kaluar.

    “Dardanët” e shohin veten në vendin e 101-të me 1202.77 pikë, njëjtë si më 30 nëntor, kur ishte publikuar renditja e muajit të kaluar, ndërsa gjenden përpara Indisë dhe prapa Kazakistanit.

    Ata e patën një vit dëshpërues duke e kaluar një kampanjë dështuese në kualifikimet e Euro 2024.

    Kurse Kuqezinjtë, të cilët në muajin e kaluar e siguruan kualifikimin në Euro 2024, janë në vendin e 62-të, njëjtë si në nëntor, me 1382.69 pikë, përpara Irakut dhe prapa Ganës.

    Kombëtaret nuk do të kenë ndeshje deri në muajin mars, kështu që nuk priten ndryshime në renditje as në muajt në vazhdim.

    Renditjes i prin kampionia aktuale e botës, Argjentina, e ndjekur nga Franca e Anglia.

    Renditja e ardhshme e FIFA-s do të dalë më 15 shkurt 2024.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark