Kanë mbetur edhe pak ditë nga mbyllja e vitit 2023.

Me këtë rast, FIFA ka publikuar listën e tre kandidatëve që garojnë për çmimin “Trajneri më i mirë 2023”.

Në listën e “The Best” gjenden: Luciano Spalletti, aktualisht trajneri i përfaqësueses italiane, por që në këtë vit triumfoi me Napolin në Serie A.

Pas tij vjen trajneri i Interit, Simone Inzaghi, që me zikaltërit sfidoi Manchester City-n në finale e UEFA Champions League dhe në fund, pikërisht fituesi i kompeticionit më të rëndësishëm për klube në Evropë, Pep Guardiola, raporton KlanKosova.

Por, jo vetëm kaq.

Guardiola, trajneri spanjolli u shpall kampion me “qytetarët” edhe në Premier League, teksa fitoi edhe kompeticionin e FA Cup duke kompletuar “tripletën”.

Ai shihet si favorit për këtë çmim, ndërsa gara pritet të jetë disi më e fortë se sa pritshmëritë aktuale.