Tyson Fury mbajti një fjalim motivues pas fitores së tij dramatike në raundin e 11-të me nokaut ndaj Deontay Wilder për të ruajtur titullin e tij në peshën e rëndë në WBC, pas një lufte të madhe në T-Mobile Arena në Las Vegas.

Përfundoi një trilogji e paharrueshme e luftimeve midis dyshes Fury dhe Wilder, ndërsa pas fitores britaniku foli për forcën e karakterit të tij për t’u rikthyer pasi u rrëzua dy herë në raundin e katërt nga Wilder.

“Kam pasur tre luftime me goditësin më të madh në historinë e sportit tim në divizionin tim. Ai më goditi – më rrëzoi dy herë në raundin e katërt, por kurrë nuk kam menduar se “ka mbaruar”. Po mendoja, “një goditje e mirë, por do të të kthehem në një minutë – dhe e bëra”, ka thënë fillimisht Fury në intervistën për TR Boxing dhe Premier Boxing.

“Isha shumë i vetëdijshëm dhe pashë gjyqtarin të numëronte “tre, katër”, por unë isha gjithmonë aty. Ai më tronditi, më rrëzoi, por ky është boksi. Është gjithashtu jeta; nuk ka të bëjë me sa herë ju hiqni dorë ose sa herë humbni, ka të bëjë me mënyrën se si vazhdoni të ktheheni dhe vazhdoni të ecni përpara”.

“Duhet të vazhdosh të lëvizësh dhe të vazhdosh të luftosh; jo vetëm në jetë, por në përgjithësi. Asgjë nuk do të jetë kurrë e lehtë. Nëse doni diçka që është shumë e vështirë për ta arritur, atëherë duhet të sakrifikoni, përkushtoheni dhe të vazhdoni të shtyni përpara, pavarësisht se çfarë është dhe kurrë mos lejoni që dikush t’ju thotë, “ju nuk mundeni”, sepse sonte përsëri tregova se është pozitive të arrish gjithçka që dëshiron, përderisa e beson në veten tënde”, përfundoi britaniku fjalimin e tij motivues.