Boksieri shqiptar Florian Marku mbrojti titullin kampion, por ai nuk ndalet, pasi kërkon të unifikojë titujt dhe një ditë të jetë numri një në botë. Në një lidhje skype për emisionin “Sport News” në News 24, Marku rrëfeu disa nga planet e tij.

Marku zbuloi se ka ardhur koha që ndeshjen e radhës ta zhvillojë në “Air Albania” dhe mundësitë janë shumta, sepse promotori i tij ka ndikim të madh dhe gjiganti mediatik Sky dhe partnerët e tjerë.

Gjithashtu Floriani tregoi edhe ndryshimin e stilit, nga kick-box në boks, ku sipas tij, boksi është shumë më i vështirë se të gjitha sportet e tjera luftarake, pasi duhet të qëndrosh deri në 12 raunde në ring.