Në fshatin Maëlynnong në Indinë veriore, pastrimi është ritual për të gjithë – nga fëmijët e deri tek të moshuarit që tashmë I kanë humbur edhe dhëmbët.  Të gjithë pastërtinë e marrin shumë seriozisht.

Ky fshat i vogël i përbërë prej rreth 600 njerëzve është i njohur si fshati më i pastër në Indi.

Dhe për Indinë, në fakt kjo do të thotë shumë marrë parasysh që vendi përballet me mbeturina thuajse në çdo cep.  Problemi është serioz saqë kryeministri Shri Narenda modi ka lansuar një mision ambicioz për pastrimin e Indisë në tetor të vitit 2014, shkruan BBC.

Fshati u shpall si më i pastërti në Azi në vitin 2003 kurse si më i pastër në Indi në vitin 2005.

Tani fshati është kthyer në një burim krenarie.

Por si ja dalin? Pastrimi në fakt fillon që në orët e hershme të mëngjesit dhe bëhet nga të gjithë nga pak. Fëmijët të pajisur me doreza dhe mjete të tjera fillojnë punën në ora 6 30 në mëngjes.  Ata pastrojnë mbeturina të ndryshme, largojnë gjethet e rëna.  Po ashtu, aty janë të punësuar dy kopshtarë që mirëmbajnë parqet, lulet e të tjera./Insajderi.com