Qeveria e Kosovës nga dita e hënë ka obliguar lokalet e gastronomisë t’iu shërbejnë klientëve me ujë të pijshëm nga rubineti.

Këtë vendim gastronomët e kanë quajtur të panevojshëm ngase një gjë të tillë e kanë praktikuar edhe pa qenë një vendim i obliguar.

Arian Vranica shprehet për Gazetën Insajderi se një gjë e tillë është ofendues ndaj gastronomëve ngase shërbimi i ujit të pijshëm në lokale është një kulturë që e praktikojnë kohë më parë.

Ndërsa sa i përketë taksa paguesve ndaj ujësjellësit, Vranica thotë së një pjesë e madhe e gastronomisë janë të rregullt.

Tutje Vranica thotë se për një vendim të tillë do të duhej të konsultoheshin bashkë me qeverinë, për shkak se gastronomia po vazhdon të mbetet sektori më i goditur që nga pandemia.