Gazetari Milot Hasimja ka reaguar pas rritjes së çmimeve të produkteve, që vie pas bojkotimit të prodhimeve serbe.

Përmes një statusi në rrjetin social, Facebook, Hasimja u ka bërë thirrje prodhuesve vendorë që të mos i rrisin çmimet.

Sipas Hasimes, prodhuesit vendorë po ia “nxjerrin fundin”.

“Prodhuesit vendore kane nis rritjen e çmimeve pas bojkotit te prodhimeve serbe, mos ja nxjerrni fundin, mos i shtini qytetaret me ju kthy çmimeve më të lira, marre prej jush” – shkroi ai.

Ndryshe, Kosova këtë vit ka importuar mallra në vlerë prej 371.6 milionë euro nga Serbia, e cila sipas të dhënave nga Dogana e Kosovës llogaritet të jetë partneri i katërt tregtar i Kosovës në këtë aspekt.