Kryeministri i Kosovës, Albin Kurti, pas takimit me Emisarin Special të Bashkimit Evropian për dialogun Kosovë-Serbi, Miroslav Lajçak, ka shkuar për vizitë në Gjilan.
Kurti njoftoi publikun se bashkë me kryetarin e Gjilanit, Alban Hyseni dhe Ministrin e Bujqësisë, Faton Peci, ka vizituar bujkun Osman Osmani nga fshati Mireshi i Gjilanit. Por, rrëfeu edhe një ngjarje që i ndodhi teksa ka biseduar me bujqit.
Përmes një postimi në Facebook, kryeministri tha se teksa po bisedonte me bujqit, një gazetare e ka ndjekur nëpër ara dhe e ka pyetur me insistim për Lajçakun.
“Unë e pyeta traktoristin për Lajçakun, por ai tundi kokën e i dha gaz traktorit”, tha kryeministri Kurti.
Kreu i ekzekutivit u mundua të bëjë humor me këtë postim, por më shumë duket si ofendim.
Tutje, Kurti tha se nga 5 deri me 30 tetor është koha ideale për drithërat.