Kandidati për kryetar të Pejës nga radhët e LDK-së, Gazmend Muhaxheri, ka prezantuar investimin më të madh në këtë komunë.

Muhaxheri tregoi se është lëshuar në përdorim Impianti për Trajtimin e Ujërave të Zeza.

Ky projekt është i mbështetur nga KfW-ja Gjermane dhe Zyra Zvicerane në Kosovë, dhe do të ndihmojë në mbrojtjen e mjedisit.

“Ditë më parë u lëshua në përdorim Impianti për Trajtimin e Ujërave të Zeza në Komunën e Pejës. Ky është investimi më i madh i pasluftës në komunën tonë, mbështetur nga KfW-ja Gjermane dhe Zyra Zvicerane në Kosovë. Jemi shumë krenar që Peja tashmë po fillon një epokë të re në mbrojtjen e ambientit”, ka shkruar Muhaxheri.