Shefi i Politikës së Jashtme të BE-së, Josep Borrell dje tha se është shumë i alarmuar me situatën në veri të Kosovës.

Pas arrestimeve të reja nga Policia e Kosovës ndaj të dyshuarve për dhunë ndaj KFOR-it dhe pas marshimit të rregullt Ushtrisë së Kosovës në Mitrovicën jugore, Borell kritkoi Kosovën. Ai Arrestimet e serbëve i ka konsideruar si arreste pa përfillje të procedurave gjyqësore.

Atij i ka reaguar Ministrja e Punëve të Jashtme, Donika Gërvalla.

Gërvalla ka shpërndarë postimin e tij në Twitter dhe e ka pyetur nëse BE’ja po bën thirrje që të mos ndëshkohen ata që kanë sulmuar pjesëtarët e NATO’s.

“A po bën thirrje BE-ja për mosndëshkim për ata që sulmuan NATO-n?”, ka pyetur Gërvalla.

Gërvalla ka thënë se arrestimi i djeshëm, është bërë në bazë të Kodit të Prcoedurës Penale të Kosovës dhe se s’ka asgjë “jashtëgjyqësore”.

Is the EU calling for impunity for those who attacked NATO?

The police has clear evidence that the person arrested today participated in attack against NATO on 29 May.

The arrest took place based on Art.71 of Kosovo’s Criminal Procedure Code so there’s nothing extra-judicial. https://t.co/LSqvIHrvf0

— Donika Gërvalla-Schwarz (@gervallaschwarz) June 23, 2023

“Policia ka prova të qarta se personi i arrestuar sot ka marrë pjesë në sulmin kundër NATO-s më 29 maj. Arrestimi u bë në bazë të nenit 71 të Kodit të Procedurës Penale të Kosovës, kështu që nuk ka asgjë jashtëgjyqësore”, ka shkruar Gërvalla në Twitter.