Një person është gjetur i vdekur në vendbanimin e tij në fshatin Doblibare-Gjakovë.
Lajmin për Insajderin e ka konfirmuar zëdhënësi i policisë së Kosovës për rajonin e Gjakovës, Shermet Elezaj.
Sipas Elezaj rasti është cilësuar si “Hetim i vdekjes” dhe se policia ka hapur rast hetimi
“Rreth orës 16:30 është raportuar se viktima mashkull i moshës madhore është gjetur pa shenja jete në vendbanimin e tij në fshatin Doblibare-Gjakovë. Në vendin e ngjarjes kanë dalë njësitet e nevojshme policore si dhe ekipi mjekësor të cilët kanë konstatuar vdekjen e viktimës. Me vendim të prokurori të shtetit është iniciuar rast “hetim i vdekjes”, ndërsa trupi i pa jetë do të dërgohet në IML për obduksion”, tha Elezaj.