Një person i moshës madhore është gjetur pa shenje jete në veturën e tij në Gjakovë.

Rastin për Insajderin e ka konfirmuar zëdhënësi i policisë, Sheremet Elezaj.

“Rreth orës 11:40 në rrugën “Gasper Karaqi” në Gjakovë është raportuar se viktima mashkull i moshës madhore është gjetur pa shenja jetë në një veturë. Vdekjen e ka konstatuar ekipi mjekësor në vendin e ngjarjes. Ekipet e nevojshme policore po ashtu kanë dalë në vendin e ngjarjes si dhe është njoftuar Prokurori i Shtetit, me vendimin e të cilit është iniciuar rast “Hetim i vdekjes“, ka thënë ai për Insajderin.

Elezaj shtoi se trupi i pajetë i viktimës do të dërgohet në IML për obduksion.