SC Gjilani e ka mbyllur pjesën e parë në epërsi prej 0:2 kundër skuadrës kazake Shakhter, në miqësoren që po e zhvillon në Antalya të Turqisë, shkruan Insporti.com.

Golin e parë për skuadrën gjilanasve e ka shënuar mesfushori Albert Dabiqaj.

Ndërsa golin e dytë për “skifterat” e shënoi i zakonshmi, kapiteni Gerhard Progni nga penalltia.

Penalltinë e fitoi sulmuesi Blerim Krasniqi pas një kundërsulmi mirë të ndërtuar së bashku me Yll Hoxha.

Me këtë rezultat përfundoi pjesa e parë.

Kjo ndeshje kontrolluese për dallim nga herave tjera po zhvillohet në një orar të çuditshëm.

Dueli me kohën lokale në Kosovë nisi nga ora 09:30.

Gjilani tash e disa ditë është vendosur në Antalya për të zhvilluar fazën përgatitore para se të nis kampionati i Kosovës më 17 shkurt.

Trajneri Ismet Munishi ka nisur ndeshjen me këtë formacion: Enea Koliçi, Tomislav Sorsa, Muhamed Useini, Arbër Prekazi, Armend Halili, Yll Hoxha, Besar Musolli, Albert Dabiqaj, Agustin Torassa, Gerhard Progni, Blerim Krasniqi. /Insporti.com/

Ndeshjen mund ta shikoni direkt në këtë link: