Endrit Berisha, njëri nga të përfshirët në sulmin me armë zjarri në Gjakovë, është vetëdorëzuar në polici. Ndaj tij është caktuar masa e paraburgimit prej 48 orëve.

Këtë e ka bërë të ditur për Gazetën Insajderi avokati i tij, Prek Kola.

“ I është caktuar masa e paraburgimit prej 48 orë”, ka thënë Kola për Insajderin.

Lajmin për dorëzimin e tij e ka konfirmuar edhe Policia e Kosovës.

“Me datën 15.04.2024 i dyshuari në fjalë është vetë dorëzuar në polici dhe po ashtu ka dorëzuar një armë zjarri e cila dyshohet të jetë përdorur në rast” thuhet në raport.

Burimet kanë informuar Gazetën se viktima, Endrit Berisha ka pasur një konflikti para pesë viteve personin me emër Ardian Hasanaj i cili me qellim hakmarrjeje ka shkuar në shtëpinë e Endrit Berishës bashkë me xhaxhain, Zeki Hasanaj dhe nipin Agon Muqaj, e kanë pritur tek banesa dhe e kanë sulmuar me armë e mjete të forta. Ndërkohë, siç tregon burimi, Endrit Berisha iu është kundërpërgjigjur me gjuajtje me armë zjarri, bëjnë me dije burimet brenda policisë.