Policia e Kosovës e ka konfirmuar rastin e mbrëmshëm për të shtëna me armë zjarri në lagjen “Dardania” në Prishtinë, shkruan Gazeta Insajderi.

Në raportin 24 orësh të Policisë së Kosovës, thuhet se në vendngjarje janë gjetur disa gëzhoja, por që nuk kanë arritur t’i identifikojnë të përfshirët.

“Pas disa të shtënave me armë zjarri nga persona të panjohur policia në vendin e ngjarjes kanë gjetur dhe sekuestruar disa gëzhoja. Me vendim të prokurorit rasti procedohet në procedurë të rregullt, dhe vazhdon te hetohet nga njesiti përkatës hetimor”, thuhet në raportin e policisë.

/Insajderi.org/