Zëdhënësja e LDK-së, Sibel Halimi, e ka përkrahuar Bogujevcin pas asaj që tha sot në Kuvend se do t’i besojë shkencës dhe të bëhet nënë, pa pasur një burrë, ndaj të cilës pati reagime të shumta.

Halimi përmes një statusi në “Facebook” ka thënë se gratë kanë të drejtë të vendosin për trupin e tyre, përfshirë këtu amësinë.

“Thelbi i të drejtave të grave është vendimmarrja autonome dhe e vullnetit të lirë për trupin e tyre, e në këtë kontekst edhe për amësi”, shkroi Halimi në Facebook.

“Çdo përpjekje për ta mohuar këtë të vërtetë, do të arsyetojë edhe dhunën në bazë gjinore”, tha tutje ajo.