Njerëzit provojnë çdo gjë në mënyrë që të hyjnë në Librin e Rekordeve Guinness dhe një burrë australian ka regjistruar veten duke lëshuar gromësimën më të zhurmshme në botë.

Nev Sharp kishte vënë në shënjestër prej kohësh të thyente rekordin e britanikut Paul Hunn, i cili ka lëshuar një gromësimë që kapi 109.9 decibel para disa vitesh. Pasi piu një gjysmë litri Coca Cola, Sharp e la të lirë gromësimën. Tentativa e parë kapi 97.8 decibel, ndërsa e dyta ia arriti qëllimit.

Ajo kapi 110.6 decibel, duke thyer jozyrtarisht rekordin e Hunn. Kjo do të thotë që zhurma e gromësimës ia kalon asaj të një motori të vogël.

Tashmë pritet vetëm verifikimi nga Rekordet Guinness dhe nëse ai do të vijë, ju po shihni në video kampionin më të ri të gromësimës.