Për Lewis Hamilton nuk ka shumë rëndësi nëse është në pistë duke ngarë Mercedesin e tij, apo jashtë botës së sportit të shpejtësisë. Fakti është se britaniku nuk i qëndron dot larg adrenalinës dhe pasi e provon këtë për thuajse çdo fundjavë teksa garon me 300 km/h, sërish mendon edhe për një tjetër “çmenduri”.

Së fundmi, Hamilton ka ndarë me ndjekësit e tij në Instagram një video teksa “fluturon” në Dubai. 37-vjeçari është hedhur me parashutë, ndërsa më parë është siguruar se kamerat po filmojnë spektaklin në mijëra metra lartësi nga toka.

Tashmë, aventura e radhës do të rikthehet të jetë në pistë, pasi këtë fundjavë, Hamilton dhe Mercedes udhëtojnë për në Australi aty ku në Melbourne është impenjimi i radhës i Formula 1.