Anëtari i Kryesisë së Lidhjes Demokratike të Kosovës, Muhamet Hamiti i ka quajtur “masa shumë të ashpra” ndëshkimet e para të Bashkimit Europian për Kosovën.

Hamiti tha se ato janë sanksione.

“Qeveria po përpiqet me e ëmbëlsu këtëfarë diskursi”, tha ai, duke iu referuar kështu termit të përdorur: “masa”.

Hamiti tha se “këto janë masa shumë të ashpra”.

“Për fatin e keq të këtij populli kjo parti është në pushtet dhe e ka vendosur shtetin e Kosovës në konfrontim me aleatët”, tha ai në T7.

Hamiti foli edhe për pozicionin e presidentes Vjosa Osmani në këtë çështje.

“Ajo është rreshtuar me Kurtin me veprimet dhe mosveprimet e saj”, tha Hamiti.