Është bërë hapja e shkollës së mesme profesionale Gjermano-Kosovare “Bau Academy”,

Themelimi i kësaj shkolle është bërë me qëllim të operimit sipas kurrikulës kombëtare, në rrafshin e edukimit profesional të shkollimit të mesëm të lartë.

Bau Academy është shkolle e mesme profesionale e modelit gjerman, e bazuar ne sistemin dual te mësimit praktik dhe teorik. BauAcadmey është projekt gjermano-kosovar dhe është pjese e Al Trade Holding.

Shkolla është e ndërtuar me standardet me te larta evropiane dhe është e pajisur me laboratorë moderne te pajisura me mjete dhe material pune te përshtatshme për marrjen e njohurive praktike.

FOTO 1

FOTO 2

Bau Academy, ofron gjithashtu, për te gjithë nxehësit e vet, qe një pjese te praktikes t’a kryejnë ne kompani private ne Kosove dhe ne Gjermani. Nxehësit do te kenë mundësi qe gjate shkollimit te tregojnë aftesite e tyre ne pune reale dhe njekohesisht te vijnë ne kontakt me punëdhënës potencial.

E veqata e shkollës është se do beje lidhjen ne mes te aftësimit profesional dhe kërkesave reale te tregut.

“Bau Academy” do të ofrojë mësim profesional në keto drejtime

*Instalues elektrik,

*Instalues i ngrohjes dhe klimatizimit,

*Instalues i ujësjellësit dhe kanalizimit,

*Metalpunes dhe Saldues, si dhe në drejtimin e

*Ndërtimtarisë.

FOTO 3

Pronari i “Al Trade Holding”, Bajram Gashani, në hapjen e shkollës tha se po realizon një ëndërr të tij të kahmotshme.

“Sonte është një takim i veçantë, sepse jemi mbledhur që të bëjmë hapjen e një institucioni të dijes, siç është ‘Bau Academi’. Kjo ka qenë një ëndërr e kahmotshme e imja. Gjithmonë kam menduar se cili do të ishte një kontribut që grupi ynë mund të bëjë për të mirën e komunitetit dhe shoqërisë si tërësi. Nuk kam gjetur mënyrë më të mirë se sa t’ia dhurojmë të rinjve tanë një vend ku mund të shkollohen, një vend ku mund të marrin dije dhe të bëhen gati për kërkesat e tregut të punës”, tha ai.

Ai tha se kanë shtyrë disa projekte për të investuar në shkollën e mesme profesionale “Bau Academi”. Ndërkohë ai bëri të ditur se i gjithë investimi në këtë shkollë është bërë nga “Al-Trade Holding”, por që kanë pasur edhe përkrahjen e partnerëve të tyre gjerman.

FOTO 4

Ministri në detyrë i MASHT-it, Arsim Bajrami tha se kjo shkollë është një shembull se si një biznes i suksesshëm në Kosovë, vendos të investojë në edukim, që është një investim më i mirë dhe që tregon seriozitetin e të bërit biznes.

Kjo akademi, e cila po ndërtohet si e para e këtij lloji, e akredituar nga Ministria e Arsimit, është një shembull i mirë i orientimit të arsimit profesional drejt nevojave të tregut të punës. Dhe është një mundësi e mirë e të rinjve tanë, që të ndërtojnë shkathtësitë dhe kompetencat, të cilat nesër do të mund t’i përdorin për të ndërtuar lidershipin e tyre në biznes dhe në ekonomi”, tha ai.

Kryetari i Komunës së Prishtinës, Shpend Ahmeti tha se ndjehet i lumtur që ky projekt është vendosur të bëhet në komunën që ai drejton.

“Ky është vetëm hapi i parë që besoj që ju e bëni në këtë drejtim, por tregon për gatishmërinë e juaj si kompani që të investoni në një gjë që është edhe në interes publik, e jo vetëm interes i ngushtë i një kompanie. Besoj që në të ardhmen do të kemi mundësi që me Komunën e Prishtinës të bashkëpunojmë edhe më tutje për të zgjeruar këtë koncept”, tha Ahmeti.

Kurse, Anja Becky, përfaqësuese e Ambasadës së Gjermanisë, u shpreh e kënaqur që kjo shkollë ka synim dhe orientim mësimin dual, që është një koncept i mësimit në gjermani.

“Dua t’ju përgëzoj dhe ta ju them që me shumë kënaqësi edhe ne si ambasadë edhe bashkëpunimi me organizatën për bashkëpunim ndërkombëtarë, por edhe Oden Gjermano-Kosovare do të jemi mbështetës të kësaj shkolle dhe bashkërisht të avancojmë punën e kësaj. Gjithashtu jam e nderuar se si synim dhe orientim është mësimi dual, që është një koncept i mësimit gjerman”, tha ajo.

Kurse nga kolegji “Heimerer”, foli Adrian Heimerer, i cili tha se kjo shkollë është një projekt shumë interesant dhe që meriton të mbështetet.

“E konsideroj si një projekt shumë interesant dhe mendoj që edhe mbështetja jonë me një përvojë 40 vjeçare e arsimit profesional, por, gjithashtu edhe ndihma dhe mbështetja me një përvojë të gjatë, do të ndihmojë që ky projekt dhe kjo shkollë të jetë e suksesshme”, tha ai.

FOTO 5