×
  • Lajme
  • Insajderi / Insajderi

    Haradinaj: Të papranueshme kërcënimet ndaj pjesëtarëve të komunitetit serb që janë bërë pjesë e Policisë së Kosovës

    Insajderi
    26 July 2023 - 15:27

    Kryetari i Aleancës për Ardhmërinë e Kosovës (AAK), Ramush Haradinaj, ka reaguar ndaj kërcënimeve që i janë bërë pjesëtarëve të komunitetit serb që janë bërë pjesë e Policisë së Kosovës.

    Haradinaj përmes një reagimi në Facebook, ka thënë se këto presione dhe kërcënime janë të papranueshme dhe përpjekje për ta penguar qetësimin e situatës.

    “Presionet dhe kërcënimet ndaj pjesëtarëve të komunitetit serb dhe komuniteteve tjera në veri, që janë bërë pjesë e Policisë së Kosovës, janë të papranueshme dhe përpjekje për të sabotuar depërshkallëzimin dhe qetësimin e situatës. Pjesëtarët e komuniteteve pakicë, përfshirë këtu edhe serbët, duhet të lejohen të lirë në realizimin e të drejtave të tyre qytetare”, ka shkruar Haradinaj.

    Tutje Haradinaj ka thënë se qytetarët serbë dhe të secilës pakicë, duhet ta konsiderojnë Kosovën si atdheun e tyre.

    “Qytetarët serbë dhe çdo pjesëtar i komuniteteve pakicë duhet ta konsiderojnë Kosovën si atdheun e tyre dhe të integrohen plotësisht në institucionet e Kosovës!”, ka shkruar kreu i AAK-së.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark