Boksieri shqiptar Robin Haxhi Krasniqi do të kthehet në ring ditën e nesërme (e shtunë), ku do të përballet sërish me Dominic Boesel, për ta mbrojtur titullin kampion që e fitoi para një viti.

Krasniqi do të zhvillojë rimeçin me Dominic Boesel, të cilin e mposhti me 10 tetor të vitit 2020 në raundin e tretë me nokaut.

Pas asaj fitore, Krasniqi u shpall kampion bote IBO dhe ËBA në peshat gjysmë të rënda.

Megjithatë, ditë më parë u zyrtarizua nga boksieri shqiptar se do të ketë rimeç me Dominic Boesel, i cili do të luhet më 9 tetor të këtij viti, respektivisht ditën e nesërme.

Krasniqi ka një rekord prej 51 fitore, 19 prej tyre me nokaut dhe 6 humbje, ndërsa Boesel ka 31 fitore, 12 prej tyre me nokaut dhe 2 humbje, njërën nga ato pikërisht nga Krasniqi.

Haxhi Krasniqi është 31-vjeçar, kurse Boesel 34, gjë që tregon qartë që të gjitha statistikjat favorizojnë boksierin shqiptar.