Lëvizja Vetëvendosje, ka ndërmarrë një aksion për të fshirë nga faqja zyrtare e saj të gjitha komunikatat që janë publikuar deri në vitin 2014.

Kryeministri në detyrë i Republikës së Kosovës, Avdullah Hoti, ka reaguar në lidhje me këtë veprim të Vetëvendosjes.

Ai përmes një postimi në Facebook, ‘thumboi’ VV-në, duke thënë se derisa ata krenohen me historinë e tyre politike, të tjerët angazhohen në zhdukjen e veprave të tyre.

“Krahu tjetër intenzivisht të angazhuar për zhdukje të veprave të tyre kundër proceseve që sollën lirinë e pavarësinë”, u shpreh Hoti, përcjell “Bota sot”.

Postimi i plotë

Duke u krenuar me historinë tonë politike, ne kërkojmë besimin e qytetarëve për qeverisjen e ardhshme me plan për zhvillim e punësim, për rend e ligj, për arsim e shëndetësi, për investime amerikane në Kosovë.

Krahu tjetër intenzivisht të angazhuar për zhdukje të veprave të tyre kundër proceseve që sollën lirinë e pavarësinë.