Ish-kryeministri nga radhët e LDK’së, Avdullah Hoti duke iu referuar hulumtimit të Insajderit për fondin 3 milionësh të MAPL’së për ndërtim e renovim shtëpish për familjarë, i ka reaguar Elbert Krasniqit.
Hoti ka thënë se Krasniqi duhet të përgjigjet përse i ka shpenzuar 3 milionë euro me kontrata njëburimore.
Po ashtu, ai theksoi se ministri në fjalë i ka vonuar të hyrat vetanake për komuna.
Postimi i plotë:
Ministri i Pushtetit Lokal duhet të përgjigjet përse i ka shpenzuar 3 milion euro me kontrata njëburimore për ndërtimin e shtëpive për komunitete, siç kanë gjetur organizatat joqeveritare.
Nuk ka kompani private të mjaftueshme në treg për të ndërtuar shtëpi njëkatëse, dy-tri dhomëshe?!
Sa për grantet e pushtetit lokal, Kosova ka qenë shembull për pushtetet lokale në rajon dhe më gjerë për objektivitetin e ndarjes së granteve nga pushteti qendror tek ai lokal.
Bashkëpunimi i Qeverisë me pushtetin lokal kurrë nuk ka qenë më i keq.
Ky Ministër ka përgjegjësi që për dy vite me radhë janë vonuar të hyrat vetanake për komunat dhe i kanë bllokuar investimet kapitale nëpër komuna.