Tetë kosovarë janë arrestuar pasi dyshohet se kanë rrëmbyer një shtetas të Serbisë, në Ranillug.
Sipas raportit të policisë, kosovarët e rrëmbyen atë pasi ai i kishte mashtruar duke u premtuar se do t’ju rregullonte disa viza dhe pasaporta të Serbisë.
Me vendim të prokurorit tetë të dyshuarit për rrëmbim si dhe i dyshuari për mashtrim janë dërguar në mbajtje.
Raporti i plotë i Policisë së Kosovës:
RRËMBIM I PERSONIT /MASHTRIM
Fsh. Crepan, Ranillug 04.10.2022 – 19:22. Janë arrestuar tetë të dyshuar meshkuj kosovarë nën dyshimin se të njëjtit në bashkë-veprim e kanë rrëmbyer viktimën mashkull shtetas të Serbisë për shkak se i njëjti i kishte mashtruar duke u marrë para me premtimin se do tu rregullojë disa viza dhe pasaporta të Serbisë. Me vendim të prokurorit tetë të dyshuarit për rrëmbim si dhe i dyshuari për mashtrim janë dërguar në mbajtje.