Tiktokeri i njohur “FireFire” i cili është shpallur sot në kërkim nga Policia e Kosovës, para pak momentesh ka hyrë ‘live’ në rrjetin social “TikTok”.
Gjatë këtij live në disa pjesë, nuk mungon edhe fjalori banal i tij ndaj komentuesve dhe personit tjetër me të cilin është në “lojë”.
“FireFire” ndodhet në burg në Francë dhe përkundër kësaj është i njohur për publikun me videot e tij live në Tik-tok, ku kishte treguar për jetesën e tij në burgun e Francës.
Ai madje në një video kishte treguar se si e kishin zënë me telefon gardianët atje dhe ishte dënuar për ketë.
Por, tiktokerit problematik, sot i është vënë pas edhe Policia e Kosovës.
Policia në Pejë ka kërkuar ndihmë për identifikimin dhe arrestimin e tij të dyshuar për “Shtytja në kryerjen e veprës penale degradimi i integritetit seksual”.
Policia ka kërkuar nga qytetarët që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.