Dega e Folklorit dhe Dega e Etnologjisë në Institutin Albanologjik të Prishtinës organizojnë tryezë shkencore me temën: “Atlaset etnografike të fshatrave në Kosovë e Shqipëri: reflektim mbi kompleksitetin e hulumtimit të fshatit bashkëkohor”.

Tryeza shkencore mbahet në Institutin Albanologjik, më 14 nëntor 2023, ora 11:00.

Kjo tryezë organizohet në kuadër të projektit “Atlasi Etnografik i Fshatit në Kosovë” dhe bëhet në bashkëpunim me kolegët nga Instituti i Antropologjisë Kulturore dhe Studimeve të Artit në Tiranë të cilët kanë punuar në “Atlasin etnografik të fshatit shqiptar sot”.

Në këtë aktivitet shkencor me kumtesat e tyre do të paraqiten studiuesit Lumnije Kadriu, Olsi Lelaj, Leontina Gega-Musa, Nebi Bardhoshi, Arbnora Dushi, Mikaela Minga, Vlora Berisha, Ervin Kaçiu, Visar Munishi dhe Bubulinë Syla.

“Atlasi etnografik i fshatit në Kosovë” është projekt madhor i Institutit Albanologjik të Prishtinës, në të cilin janë të përfshirë punonjësit shkencorë të dy degëve të këtij institucioni të lart akademik dhe kërkimor në Kosovës, si Dega e Etnologjisë dhe ajo e Folklorit.