Mauro Icardi nuk dorëzohet. Edhe në ditën e Vitit të Ri është përpjekur të bashkojë pjesët e një marrëdhënieje të shkatërruar.
Sulmuesi i Galatasaray lëshon një mesazh të ri dashurie për Wanda Nara, e cila prej kohësh, nga tetori 2022, e konsideron veten beqare.
Por, ish-qendërsulmuesi dhe kapiteni i Interit po përpiqet në çdo mënyrë të rikthehet në “lojë”. “Faleminderit 2022 për gjërat e bukura dhe momentet e bukura të jetuara, – shkruan Icardi në postimin e tij të parë të vitit që sapo kemi nisur.
– Faleminderit edhe për çdo moment, në të cilin gjërat nuk shkuan mirë ose siç do të kisha dashur. Vitin që kaloi i besova më shumë vetes, çdo sekondë ishte një përvojë mësimi për të qenë më i mirë në këtë vit të ri.
I dashur 2023, të pres me gjënë më të bukur që kam në jetën time, familjen time. Me një grua të bukur në krah dhe 5 fëmijë të mrekullueshëm.
Uroj që jeta të vazhdojë të na japë shëndet, dashuri, paqe, lumturi dhe shumë suksese. Gëzuar 2023 të gjithëve”.