Zyra e Kryeprokurorit të Shtetit ka njoftuar se, pas vendimit të Gjykatës Kushtetuese lidhur me rastin e të ndjerës Sebahate Morina, është iniciuar procedurë disiplinore ndaj prokurorit të rastit.

“Zyra e Kryeprokurorit të Shtetit njofton opinionin e gjerë publik se pas vendimit të Gjykatës Kushtetuese lidhur me rastin e të ndjerës Sebahate Morina, autoriteti kompetent në kuadër të institucionit të Prokurorit të Shtetit ka iniciuar procedurën disiplinore ndaj prokurorit të këtij rasti. Për epilogun e kësaj procedure opinioni publik do të njoftohet me kohë”, thuhet në njoftim përcjell Insajderi.

Gjatë ditës së sotme, është mbajtur edhe një protestë nga Qendra për Informim, Kritikë dhe Aksion – QIKA, në të cilën është kërkuar shkarkimi i prokurorit Kushtrim Munishi.