22:37 - 20 Maj 2022

Futbollisti i njohur turk, Merih Demiral, ka njoftuar se është bërë baba i një djali.

Përmes një postimi në “Instagram”, mbrojtësi i Juventusit bëri të ditur edhe se kush është partnerja e tij.

Demiral publikoi fotografi me ish të fejuarën e boksierit kosovar Haxhi Krasniqin, Heidi Lushtakun.

“Gruaja dhe djali im i dashur”, shkroi 24-vjeçari krahas fotografive të publikuara.

Kujtojmë se Demiral është i huazuar këtë sezon te Atalanta, teksa kartoni i tij është ende në pronësi të Juventusit.

Megjithatë, Atalanta ka të drejtë të shfrytëzojë opsionin e blerjes së tij pas përfundimit të sezonit.